Day 4 – Pasar Ramadhan 2010

Posted by: gadis7 on: 22 Agustus 2010

• In: Kuliner
• Tinggalkan sebuah Komentar

Hmm, gue seneng banget, tetangga gue bang wiskul, sang super bajaj, produktif banget nulis di blog nya doi, http://wiskul.wordpress.com, khususnya kalo bulan ramadhan nech. Courtesy doi cerita nyang disadur seperti ini:
Hari Sabtu ini tanggal 14 Agustus 2010 sore menjelang berbuka di daerah Pasar Senen… tepatnye deket stasiun senen. Berarti sekarang udeh hari ke 4 romadhon 2010. Bang Wiskul abis nganter tamunye nyang minta dianter bajajnye ke stasiun senen. Katenye entu penumpang, doi mau ziarah (jelang) ramadhan walau telat ke jawa, tepanye ke brebes jawa tengah.
Ngomong” daerah Senen, bang wiskul jadi ingat pasar subuh senen nyang ngejual segala macem kue dari menu tradisional sampe nyang kue rada modern dengan model jajan pasar dari seluruh nusantara. Apelagi kalo kite ngeliat di bulan ramadhan ini banyak pasar ‘kaget’ nyang ngejual makanan buat buka puasa, dari kue sampe makanan ‘berat’, nyang digelar di banyak tempat di seantero jakarta.
Kalo di pasar subuh senen, ada kue ma’subah dari palembang, ada babongko dari kaltim, bolu pecak dari makassar, ikan papeda dari ambon (nyang ini sech… bukan kue, atuh!), kue basah amparan tatak dari kaltim/kalsel, model nyang dibungkus daun: barongko ‘pisang’ kue bugis, pundut nasi kue basah samarinda, kue jala koteng makassar, sampe ketan bakar colenak dari lembang bandung nyang dikasih bumbu pake oncom pedes…. hmmmmm.
Bang wiskul nerusin ngaso sebentar menjelang buka nech. Secara kalo pulang ke rumah doi di kampung melayu tebet udeh pasti kagak sempet. Belon lagi nyari tempat sholat di jalanan nyang macet, entar suseh juga mangkalin bajajnye.
Doi ingetin lagi berbagai penganan nyang ada di pasar subuh senen. Ada kue ongol” betawi, kerak telor en kue cubit betawi, berbagai lumpia semarang, serabi ato serabai kata orang banjar kalsel, ato surabi ujar urang cimahi… atuh.. hehehe. Belon lagi makanan beratnye nech. Dari nasi kuning banjarmasin, soto kandangan banjarmasin, nasi pecel yogya, gudeg yogya, rujak cingur suroboyo, soto banjar kalsel, nasi uduk betawi, asinan bogor, coto makassar, soto betawi, sop kaki madura…. uh uh ….. hmmm yummy, kate non farah quinn.
Sekalian nech, bang wiskul mau ngucapin Selamat Menjalankan Ibadah Bulan Ramadhan 1431 Hijriyah di tahun 2010 ini.

Tag: agustus, an, aneka, ayam, bajaj, bang, batin, bawal, beras, bersih, betawi, bird, blog, blogger, blue, break, buah, bulan, complete, daging, dalam, emosi, fasting, food, fresh, from, fruit, gendut, gudeg, gurame, gurami, hati, humanisme, ikan, irfansyah7, islami, jakarta, jambu, jasmani, Jawa, juice, jus, kental, kentel, komentar, konteks, kuah, kue, kuliner, lahir, lembut, logat, lumpia, maaf, manis, marah, mas, masakan, mendoan, mix, mixed, naip, naive, padang, pendapat, positive, posted, ramadhan, renungan, risoles, rohani, romadhon, romadon, sebuah, sedyatmo, semarang, sendiri, serabi, silver, strawberry, stroberi, sunting, susu, taxi, tempe, tepung, thinking, tinggal, tinggalkan, tipe, tol, treatment, tulisan, ujang, umum, ustadz, wajan, wangi, wisata, wiskul, with, yogya