Gadis7

courtesy obamapacmanDOTcom

Aku kutipkan artikel JAZZ dari blog Bang Naip (seri ke 1 dari 2 tulisan), tetanggaku di kampung melayu besar tebet, di http://naive7.wordpress.com sebagai berikut:
Baru berape hari nyang lalu kite ngalamin berita media nyang hingar bingar heboh kedatengan sang penguase dunia Bang Barack Obama. Semuenye heboh ngabarin doi dateng kesini, ke Indonesia a.k.a ke Jakarta. Doi juga kangen2an nyeritain masa kecilnye nyang 4 taon tinggal di betawi en sekolah di menteng dalam. Berita detail selame di jakarta nyang kurang dari 20 jam, dari turun pesawat air force one, ke istana jalan tol ditutup ampe silver bird nye bang naip kejebak macet berjam2. Di istana doi rapat bilateral, konperensi pers en jamuan kenegaraan oleh Om SBY. Nginep di shangrila, besoknye ke masjid Istiqlal, pidato di kampus UI, ampe ke bandara lagi buat terbang ke seoul korea selatan. Doi ame bokinnye Michelle Obama.
Semue berita entu ampe ngalahin kehebohan cabutnye bang gayus dari tahanan di brimob kelapa dua buat ijin nonton pemaen tennis cewek bule nyang bohay kelas dunia di Bali. Juga ngalahin berite penderitaan pengungsi di Yogya akibat semakin batuk2nye gunung merapi. Bahkan ngalahin berite digoyangnye menteri bumn gara2 naroh harga saham perdana di lante bursa buat krakatau steel kelewat murah a.k.a 850 rupiah per lembar.
Mendingan kite bahas bang obama hubungannye ame musik JAZZ, musik kedoyanan bang naip Baca entri selengkapnya »